CONSULARIS Habitus

CONSULARIS Habitus

non idem prorsus veteri Rei publ. Romanae aevô, qui citeriori Imperatorum. Norum enim quidem ex Scriptoribus priscorum Consulum, vestes fuisse togas pictas, et palmatas ac trabeas: cuius nomenclaturae indumenta etiam Consulibus sub Graecis Imperatorib. tribuuntur. Sed cum veteres Consulum imagines sive in statuis, sive in numismatibus, dignitatis istius insignium formam materiamque non ita prodant, ut res extra omnem controversiam habeatur, incertum manet, an eaedem fuerint, quae numismata ac Diptycha Consularia repraelentant. In iis quippe, maxime in Diptychis, Consules tunicis palmatis et togis pictis induti apparent, cui superfunditur fascia latior collum ambiens; cuius pars dextera strictior, a dextro humero recta circa pectus ultra genua descendit, ipsumque humerum ac brachium dextrum circumvolvens, sinistrum humerum amplectitur, explicans sese, latiorque sensim effecta, ac circa dorsum delapsa, rursum a dextro latere per umbilicum transversim agitur et infimam sinistri brachii partem, quâ manui illud coniungitur, involvit reliquâ fasciae parte retro pendulâ. Ita quidem Diptychon Leodiense et Bituriciense ab Alex. Wilthemio descripta etc. De sceptro eburneo vel aureo, dignitatis Consularis perinde in nummis symbolo, nota pleraque. Nisi quod in Consulis Anastasii sceptro, aquila corollâ laureâ ambitur et includitur, cui trina virorum capita imminent in eodem Diptycho Leodiensi. In Bituricensi aquila alis expansis circulum vel orbem amplectitur, in quo viri, Imperatoris forte, effigies delineantur etc. Verum desiit sensim gestamen illud Consulate, primusque Phocas Imperator pro sceptro aquiligero crucem assumpst, ut ex nummis eius docetur, in quibus Consulari habitu effingitur et cum volumine, quod ceteri fere deinceps Augg. servavêre: tametsi pstmodum idem sceptrum Philippicus in nummis iterum tenens videatur. Idem ibid. num. 4. et seqq. Vide quoque infra in Fascia, Lorum, Mappa et Volumen.